Meclîsê Sûrîyeya Demokratîke  (MSD) derheqê hêrişê dewleta tirke û çeteyanê yê vera goristanê Efrînî de eşkerayîye daye.

Eşkerayîye de nê ameyî vatene:

''Îşxalkeran bi sûcdarkerdişê şerwanê QSDyî bi desan cenazeyî goranê înan ra vetî û senî ke nê cenazayan rê heqeret bikerê çapemenîye de ramojnayî. Dima ra Walîtîya Hatayî îdîa kerd ke nê cenazayî 'gorê komî' yê QSDyî ra ameyî vetene. Goreyê belgeyan nê cenazayê 71ê şehîdan ê. Nînan ra nasnameyê 40 şehîdan bewlî yê û 5ê înan sîvîl ê. Rîyê şertenê şerî ra nasnameyê 31 şehîdan nêameyî zelalkerdene.

Nê 71 şehîdî netîceya qirkerdişê dewleta tirke û çeteyanê ci de ameyî qirkerdene.  Hukmatê tirkî seba ke destkewteyanê QSDyî çîn bikero wina kayo leymin fînayo dewre. Ma nê tewiranê xirabinan şermezar kenê.

Ma veng danê komelê neteweyîye wa komîteyêka taybete bêro awankerdene û derheqê babete cipêrsayîş bêro kerdene. Ganû sûcdarê raştî bêrê eşkerakerdene û şehîdê ke gorê înan ameyî akerdene cenazayê înan bidîyê keyeyanê înan.''