Hetkarê Hemserekîya Kantonê Girê Sipî Sebrî Nenoyî derheqê hêrişanê îşxalî yê dewleta tirke yê vera Rojawanî de ANFyî rê qisey kerd.

Sebrî Neboyî ard ziwan ke Tirkîya verê çimanê her kesî de şerê qirkerdişî kena û vat: ''Dewleta tirke qirkerdişê sivîlan xo rê meşrû vînena. Ci rê doman, kokim, cinîyî ferq nêkenê. Dewleta tirke sey DAÎŞî kena ke çimanê merdiman bitersna. Labelê hînî o çax vîyart. Şar bi israrî wazeno herêmê îşxalkerdeyî bêrê xelisnayene.

Nêrazîbîyayîşê şarî zêdêr vera Rûsya yo ke sey garantora herême ya. Rûsya hêrişanê Tirkîya têna seyr kena. Heta nika cewabêk nêda.''

Neboyî pare kerd ke roje 24 saetan herême ser o teyarayê keşfî gêrenê, danê wesayît û keyeyanê sivîlan ro, bi her hawayî çekan xebitnenê û verê çimanê dewletanê herême de nê çîyan kenê. Neboyî vat: ''Şarê herême vano 'Ma çewî ra çîyêk nêpawenê. Ma têna eşkenê birînanê xo derman bikerê. Ma do erdê xo de bimanê. Ma do xoverdayîşî xo rê bikerê esas.' Şar ney de qerardar o.''