Şerwana YPJyî Çîçeke Kobanê (Dozgine Temo) wextê îşxalê Serê Kanîyê û Girê Sipî de hetê cerganê dewleta tirke ra amebî destbendkerdene û mehkemeya Riha cezaya muebede daye ci. Çîçeke Kobanê Zîndanê Riha de tepişîyena.

Fermandara Pêroyî ya YPJyî Newroze Ehmed derheqê babete de ANFyî rê qisey kerd.

Newroze Ehmed da zanayene ke Çîçeke Kobanê sey birîndare û bêçeke hetê cergan ra erdê xo de tepişîyaye û dîmenê nê tepişîyayîşî zî cara medyaya komelkî de estê. Newroze Ehmed eşkera kerd ke ê dîmenan de kerdişê wehşî yê cergan dîyabî heta dewleta tirke dîmenan ser o eşkerayîyêke dabi û wayîra cergan vejîyabî.

Newroze Ehmed vat: ''Ê dîmenan ma zaf dejnayî. Cergan Çîçeke sey ganîmetê şerî dîyayêne. Eşkerayîya o çaxî ya dewleta tirke mojna ke ê wayîrê cerganê DAÎŞî, El Nûsta ûsn. vejîyenê. Dewleta tirke peymananê şerî binpay kena û vera merdimîye sûcanê giranan kena. Bira ke dewleta tirke verê çimanê pêro dinya de derheqê Çîçeke de daye birêka ecêb a. Xora Çîçeke şerwana ma ya, ma wayîrê ci vejîyenê. Kesê wayîrwijdanî û hêzê mîyanneteweyî ganî vera na bire tewirêk bimojnê. Ma do heta peyêne vera na bire xo ver bidê. Muhakemekerdişê Çîçeke Kobanê muhakemekerdişêko şexsî nîyo; muhakemekerdişê pêro cinîyan o. Na bira vera têkoşînê cinîyan a. Coka ganî bi taybetî cinîyî vera na bire têbigêrê û têkoşînê xo bikerê yew.''