Hêzanê Asayîşê Zereyî yê Rojawanî ewro serê sibayî Kampa Holî de vera cerganê DAÎŞî operasyonêk dabi destpêkerdene. Hêzan da zanayene ke endamê DAÎŞî zî tede operasyon de 9 kesî ameyî destbendkerdene.
Hêzanê Asayîşê Zereyî yê Rojawanî pê eşkerayîyêke derheqê 'Operasyonê Merdimîye û Asayîşî' de agahîyî dayî. Eşkerayîye wina ya:
''Ewro (28ê adare) hêzanê ma Operasyonê Merdimîye û Asayîşî da destpêkerdene. Hêzê Asayîşê Zereyî, QSD, YPG û YPJ bi temamî 5 hezar hêzê asayîşî tewrê nê operasyonî benê. Roja verêne pê armancê ' Kampa Holî ra vetişê cerganê DAÎŞî' derbaz bîye. Roja yewine de kesî ameyî destbendkerdene ke tede endamê DAÎŞî zî estê û nê kesî lîsteya cigêrayîşî de bîyî. Mîyanê nê kesan de cergê bi nameyê Ebû Seed El-Iraqî zî esto ke wextêkê dergî DAÎŞî rê endamî arê dayêne.''
Peynîya eşkerayîye de ame vatene ke operasyon do dewam bikero.
