Patrîk Ignatisu Aphremî Sekreterê Pêroyî yê Neteweyanê Yewbîyayeyan Antonio Guterres, Komîsera Berze ya Heqanê Merdiman a Neteweyanê Yewbîyayeyan û Serekê Konseya Ewropa Charles Michelî rê mektubek erşawit û bale ante ser ke awa Hesekê hetê dewleta tirke ra ameye birnayene.

Patrîkî muktubê xo de îfade kerd ke dewleta tirke bi mîlyonan merdimê Sûrîye heqê înan ê bingeyî ra mehrum kena.

Mektub wina dewam keno:''10 rojan ra nata komê çekdarê ke dewleta tirke paştî dana ci awa ma birnenê û nê rojanê krîtîkan de bi taybetî doman, cinî û kokimê bêpawitiş veradîyenê. Na rewşe wexto ke vîrus herême de vila beno yena kerdene.

Awe sey çeke şuxilîyena ke na barbarî ya û binpaykerdişê heqanê merdiman a. Eke no blokajê awe dewam bikero ganî no têgêrayîşo bêexlax sey sûcê vera merdimîye bêro pênasekerdene.''

Patrîkî venga NY û YE da ke ca de seba babete têbigêrê.