Seba serrgêra 16. ya Serewedaritişê Qamişloyî Meclîsê Pêroyî yê Partîya Yewîya demokratîke (PYD) eşkerayîyêka nuştekîye nuşte.

Eşkerayîya PYDyî wina ya:

''Serewedaritişê Qamişloyî ra 16 serrî derbaz bîyî ke dima ke tîmê Cîhadî guleyî raşnayî ciwanan ser. Nê serebûtî de zaf ciwanî şehîd bîyî. Rejîmê Baasî seba ke kurdan çin bikero, asîmîle bikero înkar bikero no qirkerdiş kerd. La şarî mîyanê nê qirkerdişî ra şorişêk vet.Rejîmê Baasî herinda ke seba qirkerdişî efûya xo biwazo hêrişê nawnayîşkeran kerd ke netîce de hûmara şehîdan û birîndaran zêdîyaye.La nê qirkerdiş, teda, tepiştiş û destbendkerdişî nêeşkîyayî îradeyê şarê ma bişiknê. Serewedaritiş mîyanê pêro kurdan de vila bi. Coka Serewedaritişê 12ê Adare bi rayberê Şorişê Rojawanî û Sûrîyeya Demokratîke. Sey ê çaxî nika zî yeno waştene ke vera nê vurîyayîşo ke şarî ardî têhet hêriş bêro kerdene.

Eke ma ewro şehîdanê Serewedaritişê Qamişloyî yad kenê no yeno a mana ke rejîm îradeyê şarî vin kerd. Polîtîkaya parçekerdişî û îdarekerdişî zî ameye binkerdene. Ewro kurdî, çeçenî, turkmenî, erebî, armenîyî û sûryanî pîya binê sîwana Îdareyê Xoserî yê Demokratîkî de ciwîyenê.Nê esasî ser o seba ke meseleya kurdî û krîzê Sûrîye bêrê çareserkerdene partîya ma hêzanê demokratan reyde têkilîye kena. Hetê bînî ra ganî rejîm sey hîşmendîya verê 2004î tênêgêro û Îdareyê Xoserî reyde dîyalogan bikero. No seba çareserîya krîzê Sûrîye do bibo rayîrêk. Reyna berpirsîyarîya pêro partîyan a ke pêro cayanê ke dewleta tirke îşxal kerdî azad bikerê û xîret bikerê ke şaro ke koç kerd abigêro warê xo.''