Partîyanê Yewîya Neteweyî ya Kurdan (PYNK) derheqê zîyaretê heyetê 'Muxalefetê Sûrîye'  yê Başûrê Kurdîstanî de eşkerayîye daye.

Eşkerayîye de nê ameyî parekerdene:

''Xeylêk wexto ke şarê kurdî paweno ke pê dîyalogê PYNK û ENKSyî xebata yewîya neteweyîye ya kurdan gamêke aver şiro. Dormeyê hetanê yewîya neteweyîye û şarê kurdî zîyaretê Serekê Cepheyê 'Muxalefetê Sûrîye'  yê paytexta Başûrê Kurdîstanî Hewletî rê aceb mendî. Na game bîye sebebê qisawetê şarî. Serrgêra îşxalê Efrînî  ke hetê dewleta tirke û îtîlafê Îhvanî ra ame kerdene de nê derbê şarî xorî kerdî.

Nasir El Haririyî kombîyayîşê çapemenîye yê parlamentoyê Hewlêrî de planê xo yê vera destkewteyanê Têgêrayîşê Azadîye yê Kurdîstanî û Rojawanî eşkera kerdî. ENKS û Serekê PDKyî  Mesûd Barzanî zî mîyanê nê planan û hemkarîye de yê. Eynî wexte de vat ke Efrîn, Serêkanîye û Girê Sipî terorî ra ameyî xelisnayene û nê herêman de ENKSî estbîyayîşê xo kerdo  xurt. Reyna hêzanê ke Rojawan terorîstan ra xelisna ê zî sey terorîst name kerdî û vat ê do vera PKKyî şer bikerê. Nê vatişê dewleta tirke ke erdê Rojawanî îşxal kerdo. Eşkerayîya Nasir El Harirîyî rê ma şaş nêmendî. Xora ma zanê o xizmetkerdişê tayînan rê musaye yo. Wextêk xizmetê rejîmê Baasî de bi.Çîyo eceb oyo ke pardarê ci verwazî kerd derheqê nê eşkerayîyan de bêveng o.  ENKS ganî derheqê na eşkerayîye fikrê xo bîyaro ziwan.

No komplo ke vera destkewteyanê ke bi gonîya bi hezaran şehîdanê Kurdîstanî ameyî destfînayene ma red kenê.  Ma veng danê têgêrayîşê neteweyî yê Kurdîstanî, heme dezgehanê kultur û komelî û şarê Kurdîstanî ke wa vera nayî nêrazîbîyayîş ramojnê. Reyna heme hêzanê neteweyî û demokratîkan ê Rojawanê ke wa vera plananê dişmenî hîşyar bê û cewab bidê hêrişê îşxalî yê vera Rojawanî.''