Bêtehamulîya qeyûman a vera kurdkî dewam kena. Reya verêne 2016 de qeyûmê Farqînî yê ê çaxî  tabelaya bi hîrê ziwanan (kurdkî, tirkî, îngilîzkî) de têna tabelaya tirkî ronabî.  Weçînayîşê 31ê Adare ra dima Hemşaredaranê Farqînî Naşîde Toprak û Abbas Azîzogluyî reyna tabela daliqnaye. Dima ke Toprake û Azîzoglu wezîfe ra ameyî girewtene û herinda înan de qeyûm ame tayînkerdene reyna tabelaya bi hîrê ziwanan wedarîyaye. 

Xebera tabela hesabê twitterî yê Qeymeqamîya Farqînî de weşanîyaye.

Hemşaredaran Naşîde Toprak û Abbas Azîzogluyî  vera kerdişê qeyûmî nêrazîbîyayîşê xo mojna û vat: ''Têna ewro nê tim ziwan û kulturê kurdan ameyî înkarkerdene. 3 qeyûmanê Farqînî Dezgehê Huner û Kulturî yê Zembilfiroşî, Dezgehê Cinîyan ê Meya qefilnayî, tabelayê kurdkî wedarnayî. No înkarê kurdkî yo, ma ney qetî qebul nêkenê. ''