Merkezê Îrtîbatî û Çapemenîye yê Hêzanê Sûrîyeya Demokratîke (QSD) derheqê çalakîyanê 15-17ê çeleyî de bi eşkerayîyêke agahîyî dayî. Eşkerayîye wina ya:

''Hêzanê Meclîsê Leşkerî yê Minbicî 15ê çeleyî de nêzdîyê dewa Sîyade de vera noqtaya îşxalkeran çalakîyêke kerde û na çalakîye de 4 cergî kişîyayî.

Hêzanê ma 17ê çeleyî de, dewa Şirkirakî ya Eyn Îsayî de noqtaya leşkerîye ya dewleta tirke ya îşxalkere kerde hedef. Netîceya çalakîye hema nêzanîyena. Ancî 17ê çeleyî de dewa Melîqî ya Girê Sipî de vera noqtaya dewleta îşxalkere dewa Tîna de çalakîyêke ameye kerdene. Netîceya çalakîye hema nêzanîyena. 

17ê çeleyî de dewa Selîbî de vera noqtaya dewleta tirke ya îşxalkere çalakîyêke ameye kerdene û çalakîye ra dima mabênê cerganê dewleta tirke û hêzanê ma de pêkewtişî qewimîyayî.

Çalakîyanê 17ê çeleyî de 13 cergî û 2 leşkerê tirkî yê îşxalkerî ameyî kiştene. Çalakîyanê 15-17ê çeleyî de zî bi temamî 17 cergî û 2 leşkerê tirkî yê îşxalkerî ameyî kiştene.''