Merkezê Çapemenîye û Îrtîbatî yê QSDyî da pêhesnayene ke pêkewtişê ke Eyn Îsa de dewam kenê de 16 çeteyî ameyî kiştene.

Eşkerayîya QSDyî ke vizêr saetanê şanî de ameyî dayene de nê ameyî vatene: ''Dewleta tirke ya îşxalkere û çeteyanê ci 19ê adare de bi hewayêkê giranî hêrişê Eyn Îsa û dormeyê bejrayîrê M4î kerd. Hêrişê giranî yê dewanê Seyda û Mealikî de hêzanê ma cewabê çeteyan da. Verî 3 çeteyî ameyî kiştene dima ra wesayîto zirxin ke 13 çeteyî tede bî pîya bi nînan ame îmhakerdene. Saetanê serê sibayî ra heta şan bi temamî 16 çeteyî ameyî kiştene.

Şefeqê sibayî ra heta nika Eyn Îsa  û dormeyê ci yeno bombardumankerdene. Hêrişê vera cayanê sîvîlan de domanêk ame qetilkerdene. Pêkewtişan de di hemrayê ma yê qehremanî şehîd bîyî û yew zî birîndar bî. Nasanmeyê embazanê ma yê şehîdan do dima ra bêrê eşkerakerdene.

Hêrişê îşxalkeran û pêkewişê mabênê hêzêna ma û çeteyan dewam kenê.''