Merkezê Çapemenîye yê QSDyî netîceyê şerê 19-20-21ê adare yê Eyn Îsa û dormeyê ci pê eşkerayîyêke pare kerdî.

Eşkerayîye QSDyî wina ya:

''Dewleta tirke ya îşxalkere û cergê ci seba ke hêrişanê xo yê vera Eyn Îsayî meşrû bikerê medyaya xo de wina mojnenê ke seke hêzê ma hêrişê înan kenê. Nê eşkerayîyî raşt nîyê. Êyê ke hêriş kenê, zerarê ci zaf ê ê yê. Dewleta tirke bi nê hawayî raştîyan nimnena.

Hêzanê ma vera artêşa tirke û cerganê ci Eyn Îsa û dormeyê ci de bi ruhê Newroze şer kerd û hêrişê înan şiknayî.

Netîceya şerê 3 rojan:

-19ê adare de hêrişê vera Seîda û Mealîkî de cewabdayîşê hêzanê ma bênetîce mende. Netîceya şerî de 16 cergî kişîyayî, 7 cergî zî birîndar bîyî. Panzerêk ame îmhakerdene. Dewleta tirke pê çekanê giranan xeylêk warê sivîlan kerdî hedef. Netîceya topbaranî de domanêk merd, 4 sivîlî birîndar bîyî.

-20ê adare de artêşa tirke û cerganê ci şer de zerarêko pîl dî û herême pê tank, obus û hawanan daye bombayan ver. Netîceya cewabdayîşê hêzanê ma de dewa Seîda de 10 cergî kişîyayî, 4 cergî zî birîndar bîyî. Dewa Mealîkî de 8 cergî kişîyayî, 5 cergî zî birîndar bîyî. 2 doçka û 2 panzerî zî ameyî derbkerdene. Heman roje hêzanê ma çalakîya sabotajî kerde. Netîceya çalakîye de 3 cergî kişîyayî û 2 cergî zî birîndar bîyî.

-21ê adare de artêşa îşxalkere dewê Mişêrfa, Seida, Mealîk, rêya M4 û derdora Eyn Îsayî day3i bombayan ver. Heta saetanê nêmroje şer dewam kerd.

Netîceya xoverdayîşê 3 rojan de bi temamî 37 cergî kişîyayî, 18 cergî zî birîndar bîyî. 3 panzerî û 2 doçkayî ameyî îmhakerdene, 2 panzeran ro derbî dîyayî û dest nîya çekêka BKCyî û hacetanê leşkerîyan ser.

Bombardumanan de domanêkî dinyaya xo bedilnaye û 5 hemwelatîyî zî birîndar bîyî.

Eşkerayîyê ke derheqê 3 rojan de hetê Wezaretê Pawitişî yê Tirkîya ra dîyayî, vanê zerarê ma zaf ê. Nê eşkerayîyî raşt nîyê.

Nê şerê 3 rojan de 4 embazê ma şehîd bîyî û 4 embazê ma birîndar bîyî.''