Merkezê Çapemenîye û Îrtîbatî yê QSDyî derheqê hêrişanê artêşa tirke û cerganê ci yê vera Eyn Îsayî de eşkerayîyêke daye.

Eşkerayîye wina ya:

''Artêşa tirke ya îşxalkere û cerganê ci 17ê adare ra nata hêrişê Eyn Îsayî û M4î zêdînayî. Cerganê îşxalkeran bi taybetî hêrişê dewan Seîda û Mealikî kerd û şerwananê ma cewabê hêrişan da. Netîceya nê cewabdayîşan de 18-19ê adare de şerê çetinî qewimîyayî.

Ewro serê sibayî 05.00 de cerganê îşxalkeran reyna hêrişê Seîda û Mealîkî kerd. Dima ke şerwananê ma cewabê ci da ê neçare mendî ke xo apey bigêrê. Şerê ewroyînî de Seîda de 10 cergî, Mealîk de zî 8 cergî kişîyayî û 10 cergî zî birîndar bîyî. Herême ser o bombardumanî dewam kenê û sivîlî yenê hedefkerdene.

Şerê ewroyînî de şerwanêkê ma şehîd bi û 3 şerwanî birîndar bîyî.''