Fermandarîya Pêroyî ya QSDyî derheqê hêrişê dewleta tirke yê vera Til Temirî de eşkerayîye daye û keyeyanê şehîdan rê serweşîye waşte.

Eşkerayîye de nê ameyî vatene: ''Dewleta tirke ya îşxalkere 19ê tebaxa 2021î de saete 14:00 pê teyarayanê keşîfî wesayîtê fermandaranê ma yê YPGyî ra hemra Rênas Rojî hedef girewt û o şehîd kerd. Eynî roje saete 18:00 de vera Buroyê Meclîsê Leşkerî yê Til Temirî hêrişê hewayî kerd. Nê hêrişî de Endamê Konseya YPJyî û Endama QSDyî Sosine Bîrhat, Egîd Girkê Legê, Rûbar heseke û Sefullah Ehmed şehîd bîyî û 3 şervanê ma birîndar bîyî.

Senî ke rayapêroyîye zî zana bedê hêrişê dewleta tirke yê vera Serêkanîyê û Til Ebyadî bi pê asayîşê Amerîka û Rûsya prosesêkê adirbirnayîşî amebi rojdem. La dewleta tirke çirey goreyê adirbirnayîşî tênêgêraye û tim hêrişan rê dewam kerde. Yaroje reyna Kobanê de wesayîtê sîvîlan ame hedefgirewtene. Vera Şehba, Eyn Îsa û Zîrganî hêrişî dewam kenê. Zîrgan de cinîyêke ameye qetilkerdene û sîvîlêko 16 serre birîndar bi.

Bêşik o ke nê hêrişî ramojnenê ke dewleta tirke semedê hîrakerdişê îşxalî qerarê neweyî girewtî. Ma sey QSDyî senî ke şarê xo vera terorê DAÎŞî pawit û vera hêrişê îşxalî yê dewleta tirke têkoşîno tarîxî da ma do ewro ra tepîya zî vera hêrişê îşxalî têkoşîn bikerê. Şehîdkerdişê fermandar û şerwananê ma do bêcewab memano. Ma berpirsîyarîya Rûsya û Amerîka zî reyna fînanê înan vîrî û veng danê ke wa vera nê hêrişan tewir bîgirê.

Endanê Konseya YPGyî û fermadanranê QSDyî Rênas Roj Rojhilatê Kurdîstanî ra bi û pêro emrê xo semedê têkoşînê azadîye yê Kurdîstanî da. Heme leteyanê Kurdîstanî de semedê azadîye têkoşîn kerd. Wextê hêrişê DAÎŞî yê vera Kobanê  sey bi seyan ciwananê kurdan û enternasyonalîstan ê zî verê xo da Rojawanî. Reyna Minbic, Reqa û Dêra Zorê de de tim sefanê verênan ê cepheyî de ca girewt. Xoverdayîşanê Dewrî û Rumetî de bi hewayêkê fedayî têkoşîn kerd.

Edama Konseya YPJyî û Endamê QSDyî Sosine Efrîn xeylêk wext têkoşînê azadîye yê Kurdîstanî de ca girewt.  Bitaybetî xoverdayîşanê Efrîn û Helebî rê serkêşîye kerde. Xoverdayîşê tarîxî yê Şêxmeqsudî de sey ferandar û şervanêke serkewtişê xoverdayîşî de rolê aye pîl o.

Egîd Girê Legê fermandar û şervanêko ke pîspor bi. Xoverdayîşê vera DAÎŞî rolo serkêş kay kerd. Reyna hemrayî Rûbar Hesekê û Seyfullah Ehmed zî vera terorê DAÎŞî û hêrişê îşxalî yê dewleta tirke û çeteyanê ci de pê ruhê welatperwerîye sefanê verênan de cayê xo girewt.

Ma şaranê Vakur û Rojhilatê Sûrîye rê serweşîye wazenê û soz danê fermandar û şehîdanê xo yê sîneyeyan ke ma do hesabê nayî îşxalkeran ra bipersê û qesas bîgirê.''