QSD’yî çarçewaya “operasyonê qedînayîşê terorî” yê hemleya “Firtineyê Cizîre” de Baxozo ke binê îşxalê çeteyanê DAÎŞ’î de bi azad kerd, peynîya serdestîya bejike ya organîzasyonî ya Sûrîye arde.

QSD’yî saetanê serê sibayî de sey îfadeyê serkewtiş nuqtayo peyên ê sinorê  Iraq û Sûrîye de  beyraqê xo daliqna. Bado zî Dêrezor de merasîmêk oranîze kerd. Şerwanê YPG’yî, pabesteyê QSD’yî, temsîlkarê îdareyê  Vakur û Rojakewtena Sûrîye û kantonan,  gazî, û keyeyê şehîdan tewrê ci bîyî

11 hezar şehîd 21 hezar birîndarî

Fermandarê Pêroyê QSD’yî Mazlûm Ebdî eşkerayîyêk daye û vat ke  mucadeleyê înan ê vera çeteyanê DAÎŞ’î kewto merhaleyêka neweye. Ebdî da zanayene ke înan 52 hezar kîlometreyê herra Sûrîye azad kerdî û va: ‘‘Kobanê ke sey sembolê xoverdayîş ê vera çeteyan yena zaneyene, bîye destpêkerdişê qedîyayîşê DAÎŞ’î û  Baxoz de îşxalê çeteyan ame qedînayene. Nê şerî de ma 11 hezar şehîdî dayê  û 21 hezar şerwanî bîyî birîndar. DAÎŞ’î vîndî kerd la talukeyê ci dewam keno, coka do mucaleyê ma bêro dewamkerdene.‘‘