QSD’yî çarçewaya “operasyonê qedînayîşê terorî” yê hemleya “Firtineyê Cizîre” de Baxozo ke binê îşxalê çeteyanê DAÎŞ’î de bi azad kerd, peynîya serdestîya bejike ya organîzasyonî ya Sûrîye arde.

QSD’yî da zanayene ke 21’ê Adare de herême DAÎŞ’î ra ameya pakkerdene labelê fealîyetê cigêrayîş-panayîşî dewam kenê û bi merasimêkê roja Şemeyî sey nîşanêkê serkewtişî beyraqa xo daçiknaye. Kîşta fermandarê hemle ya QSD’yî Çîya Firatî de xeylî fermandarê QSD’yî û vervatoxê ci û şerwanî zî tewrê merasimî bîyî, beyraqa QSD’yî Baxozo ke nuqtaya peyêne ya sînorê Iraq û Sûrîye yo de amî daçiknayene.

“Ma heme şaran rê xelat kenê”

Fermandaranê QSD’yî ra Çîya Firato ke merasim de qiseykerdişêkê kilmekî kerd nê serkewtişê tarîxîyî şerwanan û şaranê herême rê pîroz kerd û vat, “Ewro Baxoz yanî herêma peyêne ya destê DAÎŞ’î zî amî azadkerdene û hemleya ma bîye temame.   Ma no serkewtişî sere de şarê Kurdî, şarê Erebî û şarê Suryanî rê heme şaranê herême û dinya rê xelat kenê.  Ma danê zanayene ke ma peynîya serdestîya coxrafîke ya DAÎŞ’î arda û hemleya xo temam kerda. Do saetanê averan de eşkerayîya hîraye hetê fermandarîya ma ya pêroyîye ya QSD’yî ra bêro dayene.”

Yeno pawitene ke mîyanê roje de Fermandarîya Pêroyîye ya QSD’yî eşkerayîyêka hîraye bido.Operasyono peyên ê hemverê Baxozî 9’ê Sibate de amebi destpêkerdene. Verî zî Sûse hetê şerwananê QSD’yîyan ra amebi xilaskerdene.Pîya bi binkewtişê DAÎŞ’î yê Baxozî, heme erdê ke destê ci de bî peyser ameyî girewtene.

Çeteyanê DAÎŞ’î dimayo ke Hezîran a 2014’î de Mosil hema hema bêpêkewtiş îşxal kerdibi, aye ra dima “xalîfetî” îlan kerdebî û Iraq ra heta Sûrîye wareyêkê hîrayî de bi kerdişanê sûcanê barbaran aver şîbî. Wextê îşxalî de xusûsen 3’ê Tebaxe 2014 de hemverê Şengalî de hêrişê qirkerdişî kerdîbî û bi hezaran kesî ameybî girewtene û fînîyabî statuya koleyan. Xoverdayîşê Kobanê yê tarîxîyî averşîyayîşê DAÎŞ’î vindarnabi. Pîya bi serkewtişê Kobanê DAÎŞ peyser şi û roşanê Newroze yê 21’ê Adare de bi temamî kerd vînî.