Selahîyetdaranê QSD’yî kombîyayîşêkê çapemenîye viraşt û bîlancoya şerî ya 9'ê Çele ra heta 16'ê Adare ya operasyonê bi nameyê “Şerê Qedênayîşê Terorî” yo ke vera DAÎŞ’î yeno viraştene, ame eşkera kerde. Bîlanço de derheqê sîvîlanê ke herême ra ameyî hewilnayene de zî zanayîşî ameyî dayene.

Vervatoxê Hêzanê Sûrîyeya Demokratîke Kino Gabrîelî vat, “Şerê Qedênayîşê Terorî yo ke hetê hêzanê ma ra 9'ê Çile 2019'î de dest pêkerdo, dewam keno.  Merheleya na hemleye de QSD’yî vera DAÎŞ’î serkewtişêko gird fîna dest. Rêxistina DAÎŞ’î rojakewtena Dêrazorî ya Baxozî de wereyêko qij de tengasîye de menda.

Gabrîelî ard ziwan ke, hêzanê înan bi hezaran sîvîlê ke hetê çeteyanê DAÎŞ'î ra sey mertalê gandarî ameyêne bikarardene herême ra vetê û dewê ke teyna çeteyî tede mendî zî dormeyê ci girewto.

Gabrîelî vat, “Hêzanê ma erd ra, hêzanê koalîsyonî zî hewa ra derbê giranî dayî rêxistina tororî ro. Dimayê derbanê giranan beşêko gird ê endamê rêxistina terorî û keyeyê înan teslîm bîyî. Hetê bînî ra bi seyanê înan ameyî kiştene û birîndarkerdene.”

Gabrîelî derheqê hûmara “sîvîlê ke ameyî xelisnayene”, endamanê rêxistina terorî teba keyeyan înan ê ke herême ra ameyî vetene û şerwananê QSD’yî yê ke şehîd bîyîy de zanayîşî dayî:

"Terorîst û keyeyê înan ê ke teslîmê hêzanê ma bîyê: 29 hezar 600 kes (5 hezar ra zêdeyî înan terorîstî)

* Hûmara terorîstanê ke operasyananê teybetan de hetê hêzanê ma ra ameyê tepîştene: 520 kesî

* Hûmara sîvîlanê ke ameyî xelisnayene: 34 hezar kesî

* 1306 terorîstî no dem de ameyî kiştene, zaf terorîstî zî birîndar bîyî.

* 82 şervanê ma şehîd bîyî, 61 şervanê ma zî birîndar bîyî.”