Merkezê Îrtîbatî û Çapemenîye yê QSDyî bi eşkerayîyêka nuştekîye da zanayene ke Hêzanê Antî-Terorî bi hemkarîya Dezgehê Têkoşînê Vera Terorî yê Herêma Kurdîstanî (CTG) û Kaolîsyonê Mîyanneteweyî Dêra Zorê de vera hucreyanê DAÎŞî operasyon kerdo. 

Eşkerayîye de ame parekerdene ke operasyon de cergêkê DAÎŞî tepişîyayo û wina ame vatene: ''Çeteyoo ke hucreyanê bînan rê hetkarîye kerdêne û çeke dayêne tepişîya. Yewinanê ma dest na tay malzeme û çekan ser zî. Heta ke DAÎŞ bêro qedînayene têkoşînê ma do dewam bikero.''

Goreyê QSDyî operasyon de dest nîyayo nê çîyan ser: Yew demançe, yew çeka kalaşnîkofî, çar telefonê destan û 11 şarjorê kalaşnîkofî.