Merkezê Îrtîbatî û Çapemenîye yê QSDyî bi eşkerayîyêke derheqê operasyonê xo yê Dêra Zorê de agahîyî dayî.

Eşkerayîye wina ya:

''15ê sibate de hêzanê ma bajarekê Dîbanî yê Dêra Zorê de operasyonêk kerd û 2 cergê DAÎŞî tepiştî. Hedef û armancê nê cergan hêrişê vera Dêra Zorê bi. Tariq Reşîd Seîd El-Hemo (Usama Qerdaş) cergê 14 serrî Ferhad Ebdulrehman El-Tirkistanî reyde seba hêrişê vera herême çolistanê Palmîra ra derbazê Dêra Zorê bîyo.

Ferhad Ebdulrehman El-Tirkistanîyo ke keyeyê ci Tirkîya de yo, derbazê Sûrîye beno û tewrê DAÎŞî beno. Babîyê Ferhad Ebdulrehman El-Tirkistanî zî cergê DAÎŞî bi û Haleb de kişîyayo. No cerg û keye 2019 de şerê Baxozî de tepişîya û kampa Holî de ame cakerdene.

Ferhad Ebdulrehman El-Tirkistanî mîyanê grûba Eşbal El Xîlafe de ca girewt û domanî rêxistin kerdî, DAÎŞî ra perwerdeyî girewtî û hetê DAÎŞî ra kampe ra ame vetene. DAÎŞî no domano 14 serre seba perwerdeyê  'bombaya gandare' şawito Dêra Zorê.

Goreyê îtîrafanê wird cergan ê seba ke aramîya herême bixeripnê, kaos virazê ameyê Dêra Zorê. Bi nê operasyonî reyna armancê DAÎŞî ameyî pûçkerdene û verê tehlukeyî ame girewtene.''