Têgêrayîşê Ciwanan ê Şorişgêran (TCŞ) û Têgêrayîşê Cinîyan ê Ciwanan ê Rojawanî (TÊKO-JIN) 7 rojî verî rayraşîyayo derg dabi destpêkerdene. Rayraşîyayîş Dêrik de qedîya. Rayraşîyayîş de hêrişê dewleta tirke, têgêrayîşê PDKyî, tecrîdê vera Rayberê Şarê Kurdî Abdullah Ocalanî ameyî şermezarkerdene. 

Roniştoxanê Dêrikî dekewtişê Dêrikî de ciwanî pêşwazî kerdî. Merkezê şaristanî de rayraşîyayîş vurîya nawnayîş. Dima nameyê Meclîsê Dêrikî ser o Sadiq Mihemedî qisey kerd û ard ziwan ke ê do îxanetê vera Kurdîstanî çin bikerê.

Dima nameyê TCŞ û TÊKO JIN ser o Medya Mihemed qisey kerd û vat: ''Ma do heta ke Rayber Apo û tepişteyê bînî yê zîndananê Tirkîya azad bibê têkoşînê xo dewam bikerê û paştî bidê QSDyî.''

Nameyê Kongreya Starî ya Dêrikî ser o Evîne Elî qisey kerd û pare kerd ke rayraşîyayîşê ciwanan her ca de zaf veng vet.

Nawnayîş pê deyîran qedîya.