Reqa de 8 serran ra dima adirê Newroze ame wekerdene
Reqa de reya tewr peyêne serra 2011 de destpêkerdişê şerê zereyî yê Sûrîye de Newroze ameyebî pîrozkerdene. 8 serran ra dima newe ra adirê Newroze ame wekerdene.
Reqa ya ke 20’ê Teşrîna Peyêne 2017 de hetê Hêzanê Sûrîyeya Demokratîke (QSD) ameye xelisnayene, 8 serran ra dima Newroze reya yewine yena pîrozkerdene.
Bi hezaran kes Dêrazor û Tebqa ra verê xo da Reqa û tewrê pîrozkerdişî bîyî û Newroze bi slogana “Bi ruhê Newroze ma herêmanê îşxalkerdeyan ê Sûrîye azad bikerê” ameye pîrozkerdene.
Pankartê bi nuşteyê “Bi ruhê cinîyanê azadan ma Newroze pîroz kenê”, “Şemala Newroze rayîrê azadîye roşn keno” wareyê pîrozkerdişî de ameyî akerdene. Pîrozkerdişî ra dima wekerdişê adirê Newroze dest pêkerd. Roşanê Newroze yê Reqa tewr peyên serra 2011’î de amebi pîrozkerdene. Dimayê îşxalkerdişê grubanê çeteyanê DAÎŞ’î pîrozkerdişê Newroze ame qedexekerdene.
HELEB DE ZÎ ADIRÊ NEWROZE AME WEKERDENE
Heleb de zî Newroze ameye pîrozkerdene. Pîrozkerdişê Helebî bi slogana “Bi ruhê Newroze ma tecrîdî bişiknê, Efrînî azad bikerê” ame viraştene. Bi hezaran kesî dewa Bîno ya herêma Şîqêfî de ameyî têhet. Adirê Newroze hetê dayîkanê şehîdan ra ame wekerdene.
