Xeylêk şaristananê Rojawanî de şarê vejîya kuçeyan hêrişê îşxalî yê dewleta tirke yê vera Başûrê Kurdîstanî û hemkarîya PDKyî protesto kerdî.

Hesekê

Hesekê de pê şîarê 'Ma do vera îxanetî xo ver bidê, pê yewîye îşxal û îxanetî çin bikerê' çalakîya rayraşîyayîşî ameye kerdene. Çalakîye de fotografê Rayberê Şarê Kurdî û pankarta bi nuşteyê 'Gerîlayî ameyox û rûmetê Kurdîstanî yê' ameye akerdene. Qiseykerdişan de ame vatene ke kurdî do pê ruhê 19ê Temmuze û Hemleya 15ê Tebaxe do ser bikewê.

Dêrik

Dêrik de zî çalakîya rayraşîyayîşî ameye kerdene û çalakîye de pankarta bi nuşteyê 'Vera îxanet û îşxalî rayraşîyayîşê rûmetî' ameye akerdene. Qiseykerdişan de ame vatene ke ganî cade Kongreya Neteweyîye bêra kerdene.

Tirbesipîyê

Roniştoxanê şaristanî pê çalakîya rayraşîyayîşî hemkarîya PDKyî ya bi dewleta tirke şermezar kerde û venga PDKyî da ke wa vera îşxalê Tirkîya tewirê xo bimojno.

Çilaxa

Çilaxa de pê sloganê 'Şerî rê ney wext wextê yewîye yo' çalakîya rayraşîyayîşî ameye kerdene. Çalakîye de xoverdayîşê gerîlayan ame selamkerdene.

Til Birak

Şarê Til Birakî çalakîya rayraşîyayîşî de hêrişê îşxalî û PDK şermezar kerdî û pê sloganan wayîrê xoverdayîşê gerîlayan vejîya.

Til Koçer

Çalakîya rayraşîyayîşî ya Til Koçerî de pê sloganan dewleta tirke ameye protestokerdene. Qiseykerdişan de ama vatene ke PDK û AKP vera şaran şer kenê la şarê Til Koçerî hetê gerîlayan de yo.