Xeylêk bajaranê Rojawanî de vera hêrişê îşxalî yê dewleta tirke yê vera herêmanê gerîlayan şar vejîya meydanan.

Şehba de bi seyan efrînij û şehbayîjî dewa Til Sosinî de ameyî têhet. Çalakwananê ke fotografê Rayberê Şarê Kurdî Abdullah Ocalanî û şehîdan kiriştî  pê pankartê ''Ma do bi ruhê xoverdayê Garê îşxalê tirkî bin bifînê'' rayra şîyî. Dima ra Kampa Serdemî  de mîtîngêk ame kerdene. Qiseykerdişan de hêrişî ameyî şermezarkerdene û xoverdayîşê gerîlayan ame selamkerdene.

Reyna Heleb û Dirbêsîyê zî şar vejîya kuçeyan û mesaj da ke şarê kurdî peyê paştîya gerîlayan de yo.  Çalakîyan de ame vatene ke artêşa tirke do sey tim narey zî vera xoverdayîşê gerîlayan bin bikewo.