8ê Adare Roja Cinîyan ê Kedkeran a Dinya Rojawanê Kurdîstanî de bi coşî ame pîrozkerdene. Şayayîyan de vera hêrişanê îşxalî û zîhnîyetê nêrî mesajê xurtkerdişê têkoşînî ameyî dayene.

Qamişlo de bi seyan kesê ke Stadê Heysem Kiçoyî de ameyî têhet  bi şîarê ''Ma do pîya şorişê xo bipawê û herra xo bixelisnê''şayîye kerde. Stad pê fotografanê Rayberê Şarê Kurdî Abdullah Ocalanî û şehîdan ame xemilnayene. Şayîye pê rêzgirewtişî dest pêkerde û dima ra mesajê Fermandarîya Pêroyî ya YPJyî ame wedene. Dîma ra hunermendan deyîrî vatî û pê deyîranê şorişgêran govende ameye girewtene. Kobanê de serkêşîya Kongra Starî de Daristanê Kobanê de 8ê Adare ame pîrozkerdene. Şehba de zî cinîyê efrînij û şehbayijî  pê kincanê xo yê herêmîyan kuçeyan de bî. Cinîyan vera hêrişanê îşxalî hêrsê xo ard ziwan û vat ê do semedê azadîyê têkoşînî pîlêr bikerê. Reyna, Amûdê,Tirbespiyê,Girkê Legê, Hesekê, Til Temir,Til Temir, Dêrik, Haleb û xeylêk bajaran bînan ê Rojawnaî de cinîyan pê kincanê xo yê renginan kuçeyî xemilnayî û bi tîlîlî û sloganan qîrayî. Aktîvîteyan de bale ameye antene hêrişan vera Rojawanî û cinîyan ser û mesajê xurtkerdişê têkoşînî ameyî dayene.