Rojawan de cinîyî aktîvîteyanê 8ê Adare Roja Cinîyan ê Kedkaran a Dinya rê dewam kenê. Aktîvîte û çalakîyê ke 23ê sibate de dest pêkerbi do heta 10ê adare dewam bikerê.

Hesekê de çarçewa 8ê Adare de endamanê cinîyan ê PYDyî û Kongreya Starî şerwanê cinîyî zîyaret kerdî û paştdayîşê xo yê bi şerwanan ard ziwan. Meclîsê Keyeyanê Şehîdan ê Qamişloyî û Endamanê Kongreya Starî zî Hêzê Asayîşê Zereyî, HPC-JIN û Federasyonê Birîndaran zîyaret kerdî û dîyarîyî dayî cinîyan.

Minbic de Komeleya Cinîyan a Zenûbîya semînerêk da. Xeylêk cinîyî tewrê semînerî bîyî. Endama Meclîsê Minbicî Sîhame Hemo semîner de qisey kerd û pare kerd ke şorişê Rojawanî şorişê cinîyan o û no şoriş pêro dinya rê bîyo mîsal.