Rojbîyayîşo 72. yê Rayberê Şarê Kurdî Abdullah Ocalanî xeylêk şaristananê Rojawanî de ame fîrazkerdene.

Qamişlo

Qamişlo de Meclîsê Keyeyanê Şehîdan bi wesîleya Rojbîyayîşê 72. yê Rayberê Şarê Kurdî Abdullah Ocalanî pê slogananê 'Bêserek cuye nêbena'  40 leyî ronayî.  Dima roniştoxanê herême pê şayîyêke rojbîyayîşê Rayberê Şarê Kurdî fîraz kerd.

Dêrik

Dêrik de bi wesîleya Rojbîyayîşê 72. yê Rayberê Şarê Kurdî Abdullah Ocalanî 72 leyî ronîyayî û dima zî şayîyêke ameye kerdene. Şayîye de Endama Kongreya Starî Wesfe Murad qisey kerd û vat: ''Rojbîyayîşê Rayber Apoyî rojbîyayîşê cinîyan ê azadan o.''

Heleb

Şayîya Helebî pê deqayêkê rêzgirewtişî dest pêkerde. Hemsereka Şaredarîya Şarî ya Şêqmexsûdî û Eşrefîyê Fatime Heyder  Endama Şaredarîya Şarî Gîvara Fiqih şayîye de qisey kerd û înan rojbîyayîşê Ocalanî sey rojbîyayîşê şarî pênase kerd. Roniştoxanê herême dima govende girewte.

Şehba
Şehba de şayîya rojbîyayîşê Rayberê Şarê Kurdî Abdullah Ocalan pê deqayêkê rêzgirewtişî dest pêkerde. Îdarekara Kongreya Starî Gulê Mihemed şayîye de qisey kerd û da zanayene ke ê do seserra 21. bikerê seserra azadîye. Şayîye de Koma Kevana Zêrîn, Koma Çîyayê Kurmênc û Koma Şehîd Ronahî vejîyayî sehne ser. Şayîye pê govendan qedîyaye.