Şaristananê Qamişlo, Heleb, Amûdê, Girkê Legê, Dêrik, Tirbêsipîyê, Çilaxa û Şehba de şar vejîya meydanan û hêrişê îşxalî yê vera Herêmanê Pawitişî yê Medya şermezar kerdî.

Pê beşdarîya endamanê Kongreya Starî, dezgehanê sivîlan û partîyanê sîyasîyan eşkerayîyî ameyî dayene û hêrişê îşxalî protesto kerdî. Eşkerayîyan de ame vatene ke artêşa tirke ya îşxalkere hêrişan de gazê kîmyewî şuxilnena. Eşkerayîyan de hêrişê vera Şingal û rojawanî zî ameyî şermezarkerdene.

Şarê Rojawanî bi hawayêkê zelalî paştdayîşê xo yê bi gerîlayan mojna. Şarî venga hêzanê mîyanneteweyîyan, pêro kurdîstanijan, rêxistinanê heqanê merdiman û huqûqîyan da ke vera nê hêrişan vejîyê û tewirê xo eşkera bikerê.