Îdareyê Xoserî yê Rojawanî vîrusê Korona ra bire daye ke 23ê adare ra tepîya qedexeyê vejîyayîşê teberî do bêro caardene.

Qerarname hetê Hemserekîya Konseya Rayberişî ya Rojawanî ra dayîya zanayene.

Qerarname de nê çîyî ameyî eşkerakerdene:

''Semedê tehlûkeyê vîrusê Korona ra seba pawitişê silametîya roniştoxan, ma pêro herême de wazenê nê tebdîran bîyarê ca:

-Qedexeyê vejîyayîşê teberî pêro herêmanê Rojawanî de serê sibayê 23ê adare de saete 06:00 de dest pêkeno

-Têgêrayîşê mabênê îdareyanê xoseran û sivîlan de û mabênê şaristananê serekeyan de serê sibayî yê 21ê adara 2020î de saete 06:00 de yeno destpêkerdene.

-Pêro restaurantî, bazarî, parkî, klînîkê tibîyî yê taybetî, meydanê şayîyan û xeyma serweşîye do bêrê girewtene.

-Nê qedexeyî ra pêro nêweşxaneyî, merkezê weşîye yê pêroyî û taybetî, rêxistinê mîyanneteweyî, Xaça Sûre, dermanxaneyî, komîteyê pakîye, karkerê pakîye, firinî, dikanî, wesayîtê resnayîşê werdî, tankerê sotemenî qedexe yê.

-Ganî roniştoxî nê tebdîran bîyarê ca û muxalefetê vera nînan do rastê tehqîqatê qanûnîyî bêro.