Rojawanê Kurdîstanî de roja verêne ya Roşanê Remezanî de bi hezaran kesan serê sibayî hêverî şehîdgehî zîyaret kerd.

Girseyanê şarî Şehîdgehê Şehîd Xebat Dêrik, Şehîd Dilşer, Şehîd Delîl Saroxan, Şehîd Îsmaîl, Şehîd Dijwar, Şehîd Rustem Cûdî, Şehîd Dîcle, şehîdgehê Kobanê, Til Temir, Reqa, Dêrazor, Şedadê, Tebqa û Şehba zîyaret kerdî.

Keyeyan vilikî nayî goran ser, tayênan meşaleyî vistî ta. Şarî domanan rê zî şekerî vila kerdî. Şarî goran ser de roşanê yewbînan zî fîraz kerd.