Rojawan de waqayê Korona yê neweyî
Komîteya Weşîye ya Îdareyê Xoserî ya Rojawanî da zanayene ke herême de 20 waqayê vîrusê Korona yê neweyî ameyî tesbîtkerdene û di kesî zî vîrusî ra merdî.
Hemserekê Komîteya Weşîye ya Îdareyê Xoserî Ciwan Mistefayî bîlançoya Korona ya 24 saetan pare kerde.
Goreyê naye Herêma Cizîre û Hesekê de di kesî vîrusî ra merdî. 24 saetanê peyênan de 20 waqayê neweyî ameyî tesbîtkerdene û 17 kesî zî bîyî weş.
Rojawan de bi temamî 595 kesî pê vîrusî kewtî, 40 kesî vîrusî ra merdî. 127 kesî zî bîyî weş.
