Dewleta tirke vanayê Îstasyonê Awe yê Elokî qefilnayî ke îstasyon hewcedarîya awe ya Kantonê Hesekê peyda kerdêne. Dewleta tirke û cergê ci nika zî tankerê ke awe bena dewan asteng kena.

Îşxalkeran tankerê awe yê dewa Ûm El Keyfî asteng kerd. Hemwelatîyanê ke vera îşxalkeran nêrazîbîyayîşê xo mojna, îfade kerd ke no kolonyalîzmê awe cade bêro vindartene.

Dewijê bi nameyê Ecil El Hisenî bale ante ser ke dewe de aşmêke ra nata krîzê awe esto û vat: ''Çi wext ke dewleta tirke û cergê ci nêzdîyê dewa ma bîî awa ma kêmîyaye. Ma pê tankeran wazenê hewcedarîya xo peyda bikerê. La tankeran tersê verê îşxalkeran ra nênê dewe.''

Dewija bîne Hurîye El Ehmed zî vat: ''Seba ke dewa ma serê sînorî de yê tankerî nênê. Dewleta tirke îstasyonê Elokî qefilna û ma bêawe verdayî. Hem awa ma birnenê hem zî hêrişê ma kenê. Dewleta tirke ra verî herêma ma biasayîş bîye. La nika dewleta tirke aramîya ma herimnaye.''