Rojawanê Kurdîstanî de pîrozkerdişê emserî pê slogana 'Ma do pê ruhê xoverdayîşî yê Newroze vera îşxalkeran ser bikewê' ameye kerdene.

Kantonê Şehba ke efrînijanê ke bar kerd ûca de manenê Newroze bi coşî pîroz kerde. Newroze pê qiseykerdişê Rayberê Şarê Kurdî Abdullah Ocalanî yê derheqê Newroze de dest pê kerd. Qiseykerdişan de ame vatene ke adirê Newroze do plananê îxalkeran bixeripno û ame vatene ke ê do pê xoverdayîşî Efrîn, Girê Sipî û Serêkanîyê azad bikerê.

Newroza Dêrikî de zî sloganê azadîye bîye berz. Endama Konseya Hemserekîye yê PYDyî Roza Yûzifa ke tîya qisey kerd veng da ke wa rêxistinê Kurdîstanî vera komplo û kayan bibê yew.

Tirbesipîyê de adirê azadîye ame tafîneû mesajê pîlkerdişê têkoşînî ameyî dayene. Reyna Kobanê, Qamişlo û xeylêk bajaranê bînan ê Rojawanî de Newrozê pê slogana Ma do pê ruhê xoverdayîşî yê Newroze vera îşxalkeran ser bikewê ameye pîrozkerdene. Şayîyan de  tecrîdê serê Rayberê Şarê Kurdî ame şermezarkerdene û vera hêrişanê îşxalî mesajê têkoşînî ameyî dayene.