Xeylêk şaristananê Rojawanê Kurdîstanî de pê çalakîyanê cîya-cîyan rojbîyayîşê Rayberê Şarê Kurdî Abdullah Ocalanî ame fîrazkerdene.

Til Hemis

Şayîya Til Hemisî de fotografê Rayberê Şarê Kurdî Abdullah Ocalanî ameyî akerdene. Şayîye de temsîlkaranê Kongreya Starî qisey kerd û ame parekerdene ke Abdullah Ocalan Zîndanê Îmraliyî de zî seba kurdan xebitîyeno.

Til Berak

Şayîya Til Berakî de qiseykerdişan ra dima komê muzîkî vejîyayî sehne ser, şarî govende girewte û mesajê 4ê Nîsane ameyî parekerdene.

Amûdê

Pê sloganê 'Wext wextê azadîya Rayber Ocalanî yo' Amûdê de şayîyêke ameye kerdene. Bi seyan roniştoxî pê kincanê xo yê tradîsyonelan tewrê şayîye bîyî. Qiseykerdoxan şayîye de vat: ''Mîladê Rayber Ocalanî mîladê şaranê dinya yo.''

Girkê Legê

Şayîya Girkê Legê pê deqayêkê rêzgirewtişî dest pêkerd. Şayîye pê coş û govendan qedîyaye.

Çilaxa

Çilaxa de bi wesîleya Rayberê Şarê Kurdî 600 zeytunêrî ameyî ronayene. Şayîye de Îdarekarê PYDyî Sirûr El Şetîyî derheqê cuya Abdullah Ocalanî de qisey kerd.

Reqa

Reqa de bi wesîleya Rayberê Şarê Kurdî 760 leyî ronîyayî û şayîyêke ameye kerdene.

Tirbêsipîyê

Kantonê Tirbêsipîyê yê Qamişloyî de şayîyêke ameye kerdene. Qiseykerdişam de ame vatene ke estbîyayîşê Abdullah Ocalanî estbîyayîşê kurdan o. Şayîye de komê muzîkî vejîyayî sehne ser û govende ameye girewtene.