Dewleta tirke ya îşxalkere 14ê hezîrane de Minbic dabi bombayan ver û hêriş de domanêk birîndar bibi. 6 şerwanê Meclîsê Leşkerî yê Minbicî Ocalan Bekir, Welat Nebo Mihemed, Mustefa El Ebdullah, Selamen El Xemîs, Ebdullah El Hemade û Mistefa Derwîş seba ke domanî bixelisnê ver bi cayê bombardumanî şîyêne la dewleta îşxalkere pê droneyê çekdarî 6 şerwanî zî dayî bombayan ver. 

Cenazayê 6 şerwanan bi merasîmêkê hîrayî ameyî oxirkerdene. 

Vervatoxê Meclîsê Leşkerî yê Minbicî Şervan Derwîşî merasîm de pare kerd ke çew nêeşkeno îradeyê şarê kurdî bişikno.

Hemserekê Meclîsê Leşkerî Mihemed Elî El Eboyî zî merasîm de ard ziwan ke ê do qetî qesasê şehîdan bigêrê û cuyêka rûmetêne awan bikerê.

Hemserekê Meclîsê Keyeyanê Şehîdan Rebî Îzedînî zî merasîm de keyeyanê şehîdan û şarê kurdî rê serweşîye waşte.

Peynîya merasîmî de şehîdnameyî dîyayî keyeyanê 6 şerwanan û cenazayî ameyî definkerdene.