Hemserekanê Komelê Demokratîkî yê Kurdîstanijan ê Belçîka (NAV-BEL), Komelê Demokratîkî yê Fransa (CDK-F) û Komelê Azadî yê Avusturya bi rayîrê ajansê ma venga şarê kurdî da ke 21ê êlule de tewrê Festîvala Kultur û Hunerê Kurdan a Frankfurtî bibo û wayîrê kultur, ziwan û azadîya xo vejîyo.

Hemserekê NAV-BELî Torî Orakî pare kerd ke Liege, Verviers, Bruksel, Charleeroi û Antwerpenî ra wesayîtî do şorê warê festîvale û vat: ''Bêrê ma pîya wayîrê rûmetê xo vejîyê. Bêrê ma pîya govenda xoverdayîşî pîlêr bikerê. Ma govenda xo seba azadîya Rayber Apoyî xurtêr bikerê.''

Hemsereka CDK-Fyî Xanê Akdogan vat: ''Vakurê Fransa ra qasê 30 otobusî do raywanan berê festîvale.Ma venga pêro kurdîstanijan danê ke tewrê festîvale bibê. Ewro ziwan û kulturê ma yenê qedexekerdene. Ma wayîrê Rayberê xo vejîyê ke 42 mengî yo tira xeberêke nêna girewtene.''

Hemserekê Komelê Azadî Ahmet Zîrekî vat: ''Bi desan wesayîtî do ma berê festîvale. Nika ra 200 kesan Avusturya ra vat ke ê do tewrê festîvale bibê.''

Hemsereka DEM-NEDî Bêrîvane Laçîn vat: ''Den Haag, Rotterdam, Rijnhal Arnhem û Amsterdamî ra otobusê ma do bikewê rayîrî.''