Keyeyê Çimdarî yê Heqanê Merdiman ê Sûrîye  (SOHR) derheqê sûcanê ke Efrîn de ame kerdene de raporêk eşkera kerd. Rapor de ca dîya sûca sûçanê dewleta tirke û çeteyanê ci.

Goreyê raporêSOHRî dewleta tirke û çeteyanê ci menga adare de qezayanê Mabata, Cindirêsê, Şêrawa û Raco yê Efrînî de 7ê înan cinîyî 21 sîvîlî remnayî. Înan ra aqibetê 14 kesan nîno zanayene.

SOHRî da pêhesnayene ke sûcê vera şarê Efrînî têna çeteyanê Artêşa Mîlî ya Sûrîye nê hetê dezgehanê sîvîlan û endamanê meclîsî ra zî yenêkerdene.

Goreyê zanayîşanê ke SOHRî çimeyanê Efrînî ra girewtî hukmatê şamî çarçewa qereranê meclîsanê cayîyayan ê dewleta tirke û çeteyanê ci de belgeyanê vekaletî yê ke dîyayî efrînijan heme herêmanê xo de do bido vindarnayene. Pê nê qerarî merdimê macîranê efrînijan nêeşkenê mulkê merdiman xo ser bibê wayîrê heqî. Malû  mulkê şarî ke pê zorî erdê ci ra vejîyeno kotrolê meclîsan de maneno.

Reyna çeteyanê Siqûr Şamî ke pabesteyê dewleta tirke yê dewa Kizilbaşî ya qezaya Bilbilî ya Efrînî de 400 ra zafêr zeytunêrî hemwelatîyêkî birnayî. Hetê bînî ra qezaya Şera de zî hetê çeteyanê Sultan Muratî ra arazîya 60 zeytunêran ameye destsernayene. Qezaya Şîyê de zî Togayê Suleyman Şam El Emsatî dest na erazîya şarî ser.

SOHRî raporê xo de vat: ''Eşkera yo ke dewleta tirke herême de sûcanê xo rê dewam kena. Çeteyê ke hêrişê vera şarê Sûrîye de verê înan nîno girewtene heme heqanê merdiman ê mîyanneteweyî bipay kenê.''