Fermandara YPJyî Stêrke Kobanê derheqê serrgêra ronayîşê YPJyî de ANFyî rê qisey kerd.  

Stêrke Kobanê da zanayene ke YPJyî rojbîyayîşê Rayberê Şarê Kurdî Abdullah Ocalanî de ronîya coka no zaf girîng o.

Stêrke Kobanê ard ziwan ke xeylêk cinîyê ereb, kurd, tirkmenî tewrê YPJyî bîyî û YPJyî tesîrê pêro cinîyanê dinya kerd. Stêrke Kobanê vat: ''YPJ hêzêkê qesasî yo û vera terorê cergan ê DAÎŞî wayîrê girîngîyêka pîl o. Tewrbîyayê cinîyan ê YPJyî refleksêko neteweyî bi mojnayîşê ruhê welatperwerîye bi. Şerwanê cinîyî yê YPJyî hetê kultur, huner, cuye, leşkerî û sîyasî ra pê mesuldarîyanê xo têgêrenê.''

Kobanê pare kerd ke cinîyî seba ke wayîrê nasnameyê xo vejîyê, ameyoxê welatê xo û erdê xo bigêrê binê garantî têkoşîn kenê û vat: ''Komelê kurdî verî cinîyî fîraz dîyêne dima hîşmendîya serdestîya camêrdan na fîrazîye kerde binê tarîtîye. Vera ney fikr û felsefeya Rayber Apoyî tarîtîye wedarite. Asta ke cinîyî ewro resayî ci, embazîya Rayber Apoyî reyde awan bîye.Ma do rojbîyayîşê Rayber Apoyî de xoverdayîş û têkoşînê xo xurtêr bikerê.  Cinîyê ke DAÎŞ çin kerd do îşxalkeranê ke hêrişê destkewteyanê cinîyan kenê çin bikerê. Ma do erdê xo de hêrişanê dewleta tirke ya îşxalkere zî bi nê hawayî bişiknê û Girê Sipî, Serêkanîyê û Efrîn azad bikerê. No Rayberîye rê sozê ma yo.''