Ferzende Elbî (75) Zîndanê Eskîşehîrî de rixmo ke nêweşîyê ci yê giranî est ê tepişîyeno.

Birayê Elbîyî Halît Elbîyî rewşa birayê xo ser o qisey kerd. Halît elbîyî pare kerd ke birayê ci de fitik, tansîyon, rijîyayîşê gonîye ûsn. zaf nêweşîyî est ê.

Elbîyî vat: ''Ma çend reyî muracatê Wezîrîya Edaletî da ke wa birayê mi vera bidîyo û tedawî bibo. Birayê mi seba xebatanê xo yê prosesê haştîye ra tepişîya. O bi hawayêkê edîlaneyî nêame muhakemekerdene.''

Wekîlê Îdirî yê HEDEPî Yilmaz Hunî zî derheqê rewşa Ferzende Elbîyî de vernîyazêk da Wezîrîya Edaletî. Hunî ANFyî rê qisey kerd û îfade kerd ke rewşa Elbîyî xirab a û vat: ''Dezgehê Tipê Edlîyî raporê 'eşkeno zîndan de bimano' dayo ci. Ma muracatê pêro dezgehan û Wezîrîya Edaletî kerd. Ma waşt ke mîyanê nê şertan de o zîndan de nêmano. Ma pabeyê muracatanê xo yê.''