Têgêrayîşê Komelê Demokratîkî (TEV-DEM) ewro Merkezê Huner û Kulturî yê Aram Tîgranî yê Rimêlanî de kongreya xo ya çarine keno. Hemserekanê TEV-DEMî Xerîb Hiso û Zelale Ceger kongre de qisey kerd.

Zelale Ceger ard ziwan ke kongre dewrêko muhîmî de yena kerdene û vat: ''Hêzê QSD û Hêzanê Asayîşê Zereyî semedê pawitişê şar û asayîşê herême destanê qehremanîye nusenê. Ganî ma zî wezîfeyê xo bîyarê ca û heme bajaran de şehîdanê xo raşt bikerê. Dişmen semedê şiknayîşê  îrade û têkoşînê şarî û şorişê demokratîkî çîn bikero hêriş keno.Serkewtişê Hesekê reyna ramojna ke çew nêeşkeno têkoşînê pawitişê Rojawanî vindarno. Ma do pê têkoşînî waranê xo yê îşxalkerdeyan bixelisnê û bi felsefeya Rayber Apoyî şorişê Rojawanî aver bêro''.

Xerîb Hisoyî zî vat: ''Komelê mîyanneteweyî heta nika dest nêeşt terorê ke herême de yeno kerdene. Seba ke herême de haştîye û îstîkrar bibo ganî paşt medîyo nê grûbanê çeteyan û hêzê ke paştî danê çeteyan ra hesab bêro persayene. Ma sey TEV-DEMî ke roja ronayîşî ra semedê çareserîya krîzan kede dano seba ke waştişê şaran bîyaro ca do têkoşînî rê dewam bikero. Tay hetî kenê ke şarê herême bar bikero şiro la ma semedê pawitişê erd û şarî têkoşîn kenê. TEV-DEMî semedê çareserkerdişê krîzî têkoşîno pîl da û semedê yewîya şarê kurdî rolo pîl kay kerd. Rixmê heme serebûtanê ke herême de qewimîyayî ma cehd kerd ke projeya netewa demokratîke ya Rayber Abdullah Ocalanî aver bêrê. Semedê rêxisitinkerdişê komelî, înşayê demokrasîyî û serkewtişê projeya netewa demokratîke têkoşînê ma do dewam bikero.''