Têgêrayîşê Komelê Demokratîkî (TEV-DEM) pê eşkerayîyêke kerdişê dewleta tirke ya îşxalkere yê vindertişê îstasyonê Elokî û birnayîşê awe şermezar kerdî. 

Eşkerayîya TEV-DEMî wina ya: 

''Dewleta tirke ya ke Rojawan de teror vila kerd na reye zî kena ke Rojawan de vîrusê Korona vila bibo. Semedê kerdişanê dewleta tirke ra bi hezaran kesî bê awe mendî. Bi nê hawayî merdimî vera vîrusê Korona bêpawitiş manenê. Dewleta tirke wazena bi nê metodî bi hezaran kesî qir bikera.

Mabênê Rojawanî û Tirkîya de sînorêko derg esto. Vîrusê Korona pêro Tirkîya de vila bi. Bi îhtîmalêkê pîlî vîrus do Rojawan de zî vila bibo. Ma şarê xo hîşyar kenê ke meveje teber û xo bipawo. Ma venga Neteweyanê Yewbîyayeyan zî danê ke tedaya dewleta tirke bikerê ke îstasyonê awe yê Elokî newe ra bêro aktîfkerdene.''