Meclîsê Leşkerî yê Til Temirî da zanayene ke hêrişê hewayî yê dewleta tirke de di şerewanê înan birîndar bîyî.

Artêşa tirke ya îşxalkere vizêr saetanê şanî de vera Til Temirî hêrişê hewayî kerd. Goreyê eşkerayîya Meclîsê Leşkerî yê Til Temirî nûqtaya ke raştê hêrişî ameye nizdîya baregehê rusan de ya. Eşkerayîye de ame vatene ke di şerewanê înan birîndar bîyî. Reyna dîya zanayene ke dewa Til Şenan rê zî obusî ameyî eştene.