Hemserekê Komîsyonê Pawitişî yê Îdareyê Xoserî yê Rojawanî Zêdan Elasîyî derheqê têkilîyanê dewleta tirke û DAÎŞî û hêrişê Hesekê yê DAÎŞî de ANFyî rê qisey kerd.

Elasîyî pare kerd ke dewleta tirke cergê DAÎŞî verdayî Hesekê ser û bi nê hawayî armanc kerd ke DAÎŞ newe ra gandar bikera. Elasîyî vat: ''Hêzanê QSDyî no plano gemarin pûç kerd. Dişmen wazeno Îdareyê Xoserî çin bikero. Tay hêzê teber û zereyî zî paştî danê nê armancî. Nika zî dewleta tirke xîret kena ke pê hêrişanê hewayî aramîya herême bixeripna. Îdareyo Xoser pê pêro hêzanê xo xîret keno ke herême bipawo. La rejîmê Sûrîye verê ney de asteng o.

Wexto ke dewleta tirke hêriş kena rejîmê Sûrîye xo apey anceno baregehanê xo û verê terorîzmî akeno. Wextê hêrişê vera zîndanê Hesekê de zî rejîmî no kerd. Bi nê hawayî dewleta tirke û rejîmê Sûrîye xîret kenê ke moralaê DAÎŞî xurt bikerê û rayîr bidê ke cergê DAÎŞî xo newe ra rêxistin bikerê.''