Senator û wekîlanê welatanê Bask û Katalonya di nameyê cîyayî Komîteya Wezîran a Konseya Ewropa rê şawitî.

Canditat d'Unitat Popular - Defensem la Terra (Yewîya Şarî- Ma Erdê Xo Bipawê) yê Katalonya û EHBildu (Yewîya Seba Welatê Baskî) mektube de venga Serekê Komîteya Wezîran a Konseya Ewropa Xavier Bettelî û endamanê komîte da ke wa seba azadîya Rayber Apoyî têbigêrê.

Mektube de dîya zanayene ke rixmê biranê Mehkemeya Heqanê Merdiman a Ewropa zî dewleta tirke derheqê Rayber Apoyî de heqê hêvîye nêana ca. Mektube de ame vîrvistene ke Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' warê mîyanneteweyîyî de desteko pîl dî û no zî girîngîya rolê Rayber Apoyî eşkera keno.

Mektube de bale ameye antene ser ke Heyetê DEM Partî Îmrali de Rayber Apo zîyaret kerdo û nê qewimîyayîşî zaf pozîtîf ê. Senator û wekîlanê welatanê Bask û Katalonya di nameyê cîyayî Komîteya Wezîran a Konseya Ewropa rê şawitî û vat ke dîyalogê bi Rayber Apoyî tena bi azadîya ey mumkîn ê.

Mektube de veng dîya ke seba azadîya Rayber Apoyî cade gamê hewceyî bierzîyê.

Nê senator û wekîlan morê xo da binê mektube:

Pernando Barrena, Parlamenterê Yekîtiya Ewropayê

Gorka Elejabarrieta, Senator, Serokê Koma Eh Bildu

Josu Estarrona, Senator, Koma Eh Bildu

Jon Iñarritu, Parlamenterê Koma Eh Bildu ya Meclîsa Nûneran

Irati Jimenez, Parlamenterê Parlamenta Navarra ji Koma Eh Bildu

Igor Zulaika, wekîlê Parlamenta Baskê ji koma Eh Bildu

Diana Urrea, Wekîla Parlamenta Baskê ji Koma Eh Bildu

Laia Estrada i Cañón, Wekîla Parlamenta Katalan, Seroka Koma GP CUP-DT

Dani Cornellà Detrell, Wekîlê Parlamenta Katalan, Berdevkê GP CUP-DT

Maria Pilar Castillejo Medina, Wekîla Parlamenta Katalan

Laura Fernández Vega, Wekîla Parlamenta Katalan