Odaya Çalakîyan ya Xezebê Zeytûnî aşkere kerde ke endamêkê grûba çeteyan ya Feyleq El Şamî ke girêdayeyê Tirkîya ya, ameyo kiştene û mîyanê hewteyêkî de tewr kêmî 3 çeteyî bi operasyonanê taybetinan ameyî kiştene.
Goreyê îzehetê Odaya Çalakîye ya Xezebê Zeytûnî, 12ê êlule de dewa Xilalka de vera endamêkê grûba çeteyan ya Feyleq El Şamî ke girêdayeyê dewleta tirkî ya de operasyonêk ameyo viraştene.
Îzehet de wina ameyo vatene: “Çeteyo ke bîyo hedefe hêzanê ma, dagîrkerîya Efrînî de ca girewto û koçkerdişê şarê herême de rolêko muhîm kay kerdo. Cok ra hetê hêzanê ma ra ameyo ceza kerdene.”
Îzehet de dîyayo zanayene ke kesê ke zulmê şarî kenî û dagîrkerîye de ca gênî, do bêrî hedef girewtene û îzehet wina domîyayo: “Odaya Çalakîyan ya Xezebê Zeytûnî heme herême û dewanê Efrînî de ya. Ma do warê cuya xo bipawî û berpirsîyarîya xo bîyarî ca. Ma do çeteyan ra hesab bipersî.”
11ê êlule de şerwananê Xezebê Zeytûnî rayîrê Raco ser o vera Amir El-Qetîyo ke endamê grûba çeteyan ya El-Cebhe El-Şamîye yo de çalakîyêk viraşta û çete ameyo kiştene.
Roja 6ê êlule yewîyanê Xezebê Zeytûnî rayîrê Efrîn û Cindirêsî ser o çeteyo bi nameyê Fayîz Salih El Tahe ke dumayij o hedef girewto û çete ameyo kiştene.
