Rayberîya Têgêrayîşê Ciwanan ê Şorişgêran de bi hezaran kesan Hesekê û Til Temir de peymana serê Şingalî şermezar kerde û paştî daye xoverdayîşê Eyn Îsayî.

Hesekê

Kantonê Hesekê yê Rojawanê Kurdîstanî roniştoxan peymana PDK-Iraqî ya serê Şingalî bi çalakîyêka rayraşîyayîşî şermezar kerde.

Rayraşîyayîş Xabûr de vurîya nawnayîşêk. Dima Endamê Yewîya Cinîyan ê Ciwanan a Hesekê Hêvîne Welîd qisey kerd û ard ziwan ke dewleta tirke mesuldara sûcanê şerî ya. Hêvîne da zanayene ke bi peymana Şingalî îradeyê êzidîyan yeno binpaykerdene.

Nawnayîş bi sloganan qedîya.

Til Temir

Til Temir de zî hemwelatîyan bi rayraşîyayîşêk peymana Şingalî şermezar kerde û paştî daye xoverdayîşê Eyn Îsayî. Rayraşîyayîş de pankarta bi nuşteyê 'Îşxal û qirkerdişî rê nê' ameye akerdene.

Kuçeyê Filîstînî de hemwelatîyan nawnayîşêk zî kerd û Endamê Meclîsê Til Temirî Endû Mûsa nawnayîş de qisey kerd. Mûsayî selam kerd pêro xoverdayoxanê Kurdîstanî û pare kerd ke hêrişê dewleta tirke binê çimdarîya Rûsya û Amerîka de yenê kerdene.