Arîn Mîrkane serrgêra şehadetê ci ya 5. de qezaya Şedadê ya Hesekê de hetê lejwananê YPG û YPJyî ra bi merasîmêk  ameye yad kerdene.

Fermandarê YPG û YPJyî Leyla Waşûkani, Rûkene Efrîne, Delîl Çirave zî tewr merasîmî bîye.

Fermandara YPJyî Leyla Waşûkanî qiseykerdişê xo de Arîn Mîrkane û peroyê şehîdê Rojawanî arde vîrê û va: ‘’Şehîdanê ma bi guwînê xo herra ma awe da. Şorişê Rojawan wina bi. Şehîdê ma bî sebebê yewîyayîşê ma. No semed ra ma şehîdanê xo rê zaf çî deyndarî. Hemra Arîn Mîrkane bi xoverdayîşê xo heme cinîyanê dinya rê rayîrê Rojawanî akerd. Ewro bi hezaran cinîyî xetê Arîn Mîrkane de şer kenî. Bi rihê Arînan Rojheletê Mîyanên û dinya de cinîyî vera zîhnîyetê camêrdî xo ver danî. Rayîrê şehîdanê de embaz Sozdare, Rêvana, Barîne, Amargî, Avesta û bi hezarn cinîyê binî têkoşîn danî û heta serkewtiş do têkoşînê ma biramo.’’

Merasîm bi slogananê’ Şehîdî nêmirenî’ qedîya.

Arîn Mîrkane 5ê teşrîna verên ya 2014î de Qilê Miştenûrî de bi çalakîyêka fedaî ya şehît kewtbî.