Verfekê Yewîyê Pawitişê Şarî (YPG) Nurî Mehmudî îzehetêk da û cewab da îdîaya ‘YPG û YPJ do beşdarê operasyonê Îdlîbî bibo’ va ‘Na îdîa spekulasyon a’.

Îzehetê Verfekê YPGyî Mehmudî wina yo:

“Badê ke îxtîmalê vera Îdlîb û dormeyê ci de viraştişê operasyonî dîyar bi, tayê dezgeyê çapemenîye îdîa kerdî ke hêzê ma zî do beşdarê operasyonê Îdlîbî bibî. Labelê ganî bêro zanayene ke ti eleqeyê nêyî raştîye reyde çin o û spekulasyon o.

YPG û YPJ vera çeteyanê DAÎŞî de operasyonan virazenî û Vakurê Sûrîye ra pakkerdişê nê çeteyan wezîfeyê ma yê esasî yo û ma nêyî yewna rey dibare kenî. Ma vera dewleta tirkî ke dagîrkerîya Efrînî meşrû kena û çeteyê DAÎŞî ke hetê dewleta tirkî ra yenî destek kerdene de şer kenî. Ti hêzê ma Îdlîb de çin o.”