YPGyî Efrîn de da dagîrkeran ro
Merkezê Çapemenîya YPGyî bi eşkerayîyêka da eşnawitene ke qezayanê Raco û Bîlbîle yê Efrînî de 2 çalakîyî ameyî viraştene. Çalakîyan de 3 çeteyî ameyî kiştene, 3 çeteyî zî giran birîndar bîyî
Merkezê Çapemenîya YPGyî bi eşkerayîyêka nuştekî derheqê çalakîyanê xo yê peyênan de zanayîş da.
Eşkerayîya YPGyî wina ya:
"2ê teşrîna verêne de dewa Hecî Xelîlî ya qezaya Reco de, wesayîto zirxin ke çeteyê Firqaya Dîyine ya Ferqet El-Hemzetî kiriştêne, yewîya YPGyî ci rê çalakîya sabotajî viraşte. Çalakîye de wesayît bi temamî îmha bi, çeteyê ke tede bî, 2yê ci merdî, 2 çeteyî zî giran birîndar bîyî.
Eynî roje yewna grûba YPGyî zî dewa Şêxûrzê ya qezaya Bîlbîlê de vera çeteyê Firqaya Yewine ya Sûltan Mûradî de çalakîye viraşta. Çalakîye de çeteyêk ame kiştene."
