Yewînanê Pawitişê Cinîyan (YPJ) bi wesîleya serrgêra 1. ya Hemleya Çinkerdişê DAÎŞî  eşkerayîyêka nuştekîye daye.

Eşkerayîye de nê çîyî ameyî vatene:

''Ewro ma serrgêra 1. ya serkewtişê tarîxî ya 'Hemleya Çinkerdişê DAÎŞî' pêşwazî kenê. Na hemleya tarîxîye netîceya têkoşînê 8 serran de ameye destvistene. Ma pêro şehîdanê xo bi na wesîle bi rêzdarî yad kenê. Şexsê cerganê DAÎŞî de hêzanê komplogeran reyna  zulmê xo pêro dinya de vila kerd. Înan bi hawayêkê eşkerayî bi hezaran merdimî qetil kerdî. Nê hêrişan de tewr zaf vera cinîyan gefî ameyî wendene, cinîyî rastê barbarîyêka pîle ameyî.

Cinîya kurde ya ke felsefeya Rayber Apoyî nas kerdbi îradeyê xo teslîmê cergan nêkerd. Nê tewirê cinîyan dormeyê şaran de çemberêkê pawitişî awan kerd. 23ê adare de rayberîya YPJyî de fermandarîya Hêzanê Sûrîyeya Demokratîke (QSD), bimkewtişê DAÎŞî pare kerd. Şarê herême bi yewîya xo û bi QSDyî kerd ke DAÎŞ çin bibo. Eke yewîya şaran nêameyêne caardene, zulmê DAÎŞî nêqedîyayêne. Bi nê hawayî YPJ û QSDyî sey sembolê xelasîyayîşî DAÎŞî zî sey sembolê wehşetî tarîx de cayê xo girewt. YPJyî bingeyê neteweyê demokratîkî de cepheyê xoverdayîşî de yewîya cinîyan awan kerde. Nê tewirê rûmetînî tesîrê pêro herême kerd. 

Hesabê ma yê hêzanê komplogeran reyde nêqedîyayî. Dewleta tirke îşxalê Efrînî ra dima 9ê teşrîna verêne de reyna hêrişê Rojawanî kerd û Serêkanîyê û Girê Sipî îşxal kerdî. Dewleta tirke çekê kîmyewîyî nê hêrişan de xebitnayî û raybera komelî Hevrîne Xelef bi hawayêkê barbarî qetil kerde.  Dewleta tirke bi nê hawayî waşt ke şarê ma, cinîyan bitersna, destkewteyanê înan çin bikera û pêro erdê ma îşxal bikera. La şarê herême no îşxal qebul nêkerd û vera ci bi hawayêkê xurtî nêrazîbîyayîşê xo mojna.

Vera nê îşxalan ewro zî Xoverdayîşê Rûmetî dewam keno. Seba ke ma nê îşxalan çin bikerê ganî şarê herême yewîya xo xurtêr bikerê û bi hawayêkê rêxistinbîyayeyî vera hêrişan vinderê. Ma sey YPJ soz danê pêro cinîyan û şarê herême ma do hêvî û bawerîyanê înan bi têkoşînêkê pîlêrî bîyarê ca û  reyna mizgînîya çinkerdişê hêzan ê komplogeran bidê şarê xo.''