Koyê Kezwanî yê şaristanê Hesekê yê Cizîrî de roja 8ê Adare roianê cinîyanê xoverdayoxan û dinya bi zerrîpakîya şerwananê YPJyî û bi tewrbîyayîşê kênayan bi coşêk ame fîrazkerdene. Merasîm bi beşdarîta seyan şerwanan û fermandaranê YPJyî ame serûberkerdene. Fermandarê YPJyî ya herêma Cizîrî Rojda Şîyar, Solîn Kobanê, Kurdistane Dêrîk, Albîn Amûdê û Avînar Girgê Legê beşdarê merasîmî bîyî. Rojda Şîyar merasîm de qisey kerd û vat: ''Têkoşînê ma do seba azadîya cinîyan û pawitişê welatê ma heta serkewtişî do dewam bikero.''

Fermandara YPJyî Rojda Şîyar zî vat: ''Sere de ê Rayber Apoyî ma 8ê Adare yê pêro şehîdan û cinîyan fîraz kenê. Ma 8ê Adare yê dadîyanê şehîdan, ê merdimîye û ê cinîyan ê şorişgêran zî fîraz kenê ke bi kedêka pîle têkoşîn kerd pîl. Ma ewro resayî rojanê serkewteyan ê tarîxîyan. Çunke cinîye bi xo cuye ya. Cinîyî ewro mîyanê pêro şert û mercanê zoran de zî xoverdayîşê xo dewam kenê. YPJ pêro nasnameyanê cinîyan temsîl keno. Ma sey YPJ bi îrade û bawerîya xo amade yê ke heta peynîya cuya xo têkoşîn bikerê û seba azadîya pêro cinîyan û erdê xo, xo feda bikerê.''

Şayîya ke hetê şerwanan ra amebî amadekerdene pêşkêş bîye. Tewr peynî de şerwanan govend girewt û sloganê ''Biciwîyo Serek Apo'', ''Cinîye, Cuye, Azadîye'' û ''Xoverdayîş Cuye yo'' vatî.