Fermandarîya Pêroyî ya YPJyî eşkera kerd ke şerwana înan Nûdeme Wan (Sakîne Kaya) 17ê çeleyî de nêweşxane de şehîd bîya. Eşkerayîye wina ya:

''Embaza ma Nûdeme 1991 de şaristanê Wanî yê Vakurê Kurdîstanî de dadîya xo ra bîya. Embaze Nûdeme 2011 de tewra refanê Têgêrayîşê Azadîye bena. Bi destpêkerdişê Şorişê Rojawanî zî a verê xo dana Rojawanî. Embaze Nûdeme 2012 de Serêkanîyê de cera cerganê El Nûsra şer kerd û dima zî vera cerganê DAÎŞî cepheyê vernî yê têkoşînî de ca girewt. Aye bi taybetî seba azadîya Kobanê kedêka pîle daye. Embaze Nûdeme cinî û ciwanî zî rêxistin kerdî û herême de xeylêk xebatî kerdî. Embaza ma bi tewir û nefsqijîya xo mîyanê şarê Rojawanî de bîye wayîra heskerdişêkê pîlî. Embaze Nûdeme bi şerwanîya xo ya YPJyî xeta Apogîre de bîye milîtana fedakare. Embaze Nûdema ke wextêkî ra nata nêweşîya xo ra tedawî dîyêne 17ê çeleyî de şehîd bîye. Ma sere de keyeyê aye yê ercîyayeyî rê, pêro şarê ma yê welatperwerî rê serweşîye wazenê. Ma soz danê ke kelecan û têkoşînê embaze Nûdem bikerê sebebê berzkerdiş û geşkerdiişê têkoşînî.

Nasnameyê şehîda ma wina yo:

Nameyê Qodî: Nûdeme WAN

Name û Peyname: Sakîne Kaya

Nameyê dadîye: Helîme

Nameyê babîye: Xalid

Tarîxê Şehadetî: 17.01.2024''